Hellirinn, sértæk félagsmiðstöð fyrir 10-16 ára

Félagsmiðstöðin Hellirinn býður upp á fjölbreytt sumarnámskeið fyrir fötluð börn í 5.-10. bekk. Í ár verða námskeið í 7 vikur og hefst sumarstarfið 10. júní n.k.

Á sumarnámskeiðunum er mikil áhersla lögð á útivist og útiveru. Reynt er að hafa dagskránna sem fjölbreyttasta. Farið er í ferðir, bæði í nærumhverfinu og út fyrir höfuðborgarsvæðið. Þátttakendur hafa tækifæri til að hafa áhrif á hvað er á dagskrá yfir sumarið.

Starfsemin í Hellinum er aldursskipt annars vegar fyrir 5.-7. bekk og hins vegar fyrir 8.-10. bekk. Sumarstarf hjá Vinnuskólanum er í boði fyrir unglinga i 8.-10. Bekk. Ef unglingur í Hellinum skráir sig í Vinnuskólann býðst honum að hafa starfsstöð í Hellinum.

Sumarnámskeiðin standa yfir frá 08:30 - 16:30. Skráning hefst 23. apríl kl. 10

Í sumar er boðið upp á námskeið eftirfarandi vikur:

10.-14. júní

18.-21. júní (4 dagar

24.-28. júní

1.-5. júlí

Lokað verður í Hellinum 8. júlí – 5. ágúst að báðum dögum meðtöldum.

6.-9. ágúst (4 dagar)

12.-16. ágúst

19.-21. ágúst (3 dagar)