Myndlist fyrir 6-9 ára

Á þessu skemmtilega og skapandi myndlistarnámskeiði fá nemendur tækifæri til að uppgötva listamanninn í sjálfum sér. Lögð er áhersla á fjölbreytt verkefni sem hvetja til hugmyndaauðgi, tilraunastarfsemi og sjálfstæðrar sköpunar.

Hvað gerum við á námskeiðinu?

• Prófum ólík efni og tækni, svo sem, vaxliti, þekjumálingu vatnsliti og leir.
• Lærum að nota form, liti og línur til að túlka heiminn í kringum okkur á nýjan hátt.
• Sköpum myndir út frá eigin hugmyndum, sögum, lifandi verum og náttúrunni og styrkjum þannig sjálfstraust og sjálfstæða nálgun.
• Ræðum saman um verk annarra, bæði samtímalistamanna og sögulegra, og lærum að sjá fegurð, fjölbreytileika og tjáningu í list.

Markmið námskeiðsins

• Að efla skapandi hugsun og sjálfstæða tjáningu barna.
• Að auka skilning á grunnatriðum myndlistar, litaskynjun og formum.
• Að skapa öruggt og hvetjandi umhverfi þar sem hvert barn fær að njóta sín.

Námskeiðið hentar börnum sem hafa áhuga á að teikna, mála og búa til listaverk í notalegu, hvetjandi og leiðandi umhverfi. Við trúum á að hver og einn hafi einstaka hæfileika, og hér er vettvangur til að láta þá njóta sín.

Hefst 29. janúar
Lengd: 10 vikur
Tími: miðvikudaga kl 16:00 - 17:15